Испан журнaлисти: Захарян Ла Лигада яна порлаши мумкин
Испаниянинг EFE нашри журнaлисти Хосе Игнасио Ортега Арсен Захаряннинг Ла Лигадаги имкониятлари ҳақида фикр билдирди. Унинг сўзларига кўра, Захарян муваффақиятли ўйнаш учун салоҳиятга эга, лекин жароҳатлар ва мураббий ишончи етишмаслиги ривожига халақ бермоқда. Ортега ижарага кетиш Захарян учун фойдали бўлиши мумкинлигини таъкидлади.
Испаниянинг EFE нашри журнaлисти Хосе Игнасио Ортега Арсен Захарян борасидаги сўнгги ҳолатга муносабат билдирди. Аввалроқ ярим ҳимоячи “Реал Сосйедад” бош мураббийи Пеллегрино Матаратсо режаларига кирмаётгани ҳақида хабарлар тарқалган эди. Бу ҳақда euro-football.ru хабар беради.
Ортега фикрича, Захарян Испания чемпионатида муваффақиятли ўйнаш учун етарли салоҳиятга эга, бироқ жароҳатлар ва янги мураббий ишончининг етишмаслиги унинг ривожига халақ бермоқда.
“Ҳозир унга ижара вариантига кетиш фойдали бўларди, лекин клубдан бутунлай кетмаслиги керак. Захарян учун Испанияда қолган маъқул — Ла Лигада ҳали ҳаммасини ўнглаб кетиши мумкин”, — дея Ортеганинг сўзларини Metaratings.ru келтиради.
Жорий мавсумда 22 ёшли футболчи 16 та учрашувда майдонга тушиб, 1 та гол урди. Захаряннинг “Реал Сосйедад” билан шартномаси 2029 йил ёзигача амал қилади.
Изоҳлар 0
…