Britaniya shahzodasi Endryu, qirol Charlz IIIning ukasi, barcha rasmiy unvonlari va vazifalaridan mahrum etildi. Bu haqda BBC xabar berdi.
Endryu York gersogi, Inverness grafligi va Killyl baroni unvonlaridan mahrum bo'ldi, shuningdek, Bukingem saroyida yashash huquqini ham yo'qotdi. Bunga moliyachi Jeffri Epsteyn ishi bilan bog‘liq yangi ayblovlar sabab bo‘ldi.
Marhum Virjiniya Jyuffrening xotiralarida, u odam savdosining qurboni bo‘lgani va shahzoda bilan majburan yaqin munosabatga kirganini aytgan. Endryu esa barcha ayblovlarni rad etmoqda.
Bukingem saroyi ushbu vaziyatni jiddiy qabul qilayotganini va uni batafsil o‘rganish zarurligini ta’kidladi. Monarx atrofidagi manbalarga ko‘ra, unvonlardan voz kechish ixtiyoriy bo‘lgan, lekin bu aslida oiladan chetlatishni anglatadi.
Qirol Charlz ushbu mojaro yuzasidan izoh berib, asosiy e’tiborini "burch va xizmatga" qaratishini bildirdi hamda jamiyat diqqat-e’tiborini boshqa mavzular chalg‘itmasligiga umid bildirdi.
