AQSh prezidenti Donald Tramp Venesuela prezidenti Nikolas Maduroga qarshi harbiy operatsiya boshlash haqida xavotir bildirganini The Wall Street Journal xabar qildi. Noshir ma'lumotlariga ko‘ra, Oq uy rahbari kuch ishlatish orqali hokimiyat almashinuvi amalga oshishiga shubha qilmoqda va sanksiyalar hamda narkokartellarga qarshi operatsiyalar orqali bosimni kuchaytirishni afzal ko‘rmoqda.
Oq uyga uchta ssenariy taqdim etilgan: iqtisodiy choralar ko‘rishdan tortib, harbiy ob'ektlarga aniq havo zarbalarigacha. Ammo manbalarga ko‘ra, Tramp bevosita harbiy aralashuvdan tiyilib, bosqichma-bosqich bosimni oshirish tarafdori, chunki u avvalgi rejimni o‘zgartirishga qaratilgan muvaffaqiyatsiz urinishlar takrorlanishidan xavotirda.
Shu bilan birga, Pentagon Karib dengizi mintaqasiga, jumladan, USS Gerald R. Ford aviatashuvchini joylashtirishni davom ettirmoqda.
Vashingtonda bu harakatlar kuch namoyishi sifatida baholanmoqda, jangovar harakatlarga tayyorgarlik emas. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
