3 410
Eronda koronavirusga uchragan sog‘liqni saqlash vaziri o‘rinbosari himoya vositasisiz matbuot anjumanida qatnashgan (video)
Eron sog‘liqni saqlash vaziri o‘rinbosari Iraj Xarirchida koronavirus kasalligi aniqlangan. E’tiborli tomoni, mutasaddi kasallik aniqlanishidan avval kasal holatida, isitma bilan ochiq matbuot anjumanida ishtirok etgan.
Anjuman davomida na u va na boshqa ishtirokchilarda himoya vositasi bo‘lgan. Tadbirdan so‘ng oradan ma’lum vaqt o‘tgach, Iraj Xarirchida koronavirus borligi aniqlangan. Hozircha matbuot anjumanida ishtirok etganlar karantinga olingani haqida xabar berilmagan.
Ma’lumotlarga ko‘ra, Iraj Xarirchi o‘zini u qadar yomon his qilmayapti, uni faqat isitma bezovta qilmoqda. Matbuot anjumani davomida ham u tez-tez peshonasidagi terni artayotganini ko‘rish mumkin.
Eron sog‘liqni saqlash vazirligi vakili Kianush Jahonpurning ma’lum qilishicha, mamlakatda 95 kishi koronavirus bilan kasallangan bo‘lib, 16 kishi vafot etgan. Bu esa Xitoydan keyingi eng yirik yo‘qotishdir.
Eronda bir qator konsert va futbol uchrashuvlari qoldirilgan. Mamlakatning katta qismida maktab va universitetlar yopilmoqda.
Eslatib o‘tamiz, kecha Slovakiya bosh vaziri Peter Pellegrinida ham koronavirus aniqlangani haqida xabarlar paydo bo‘lgan edi. Ammo bu xabarlar rasman inkor etildi.
Kecha Yevropaning yana ikki davlati — Avstriya va Xorvatiyada koronavirusga uchragan ilk fuqarolar aniqlangan. Dunyo bo‘yicha 80.3 ming kishida koronavirus aniqlangan bo‘lsa, 2,7 ming bemor kasallikdan vafot etgan. 27.7 ming kishi esa tuzalib ketgani aytilmoqda.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Sariqmi yoki yashil: qaysi turdagi banan foydaliroq?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Vladimir Putin «Krokus»da sodir etilgan terakt uchun o‘ch olishga chaqirdi
Lukashenko G‘arbga tahdid bilan chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi
AQSHning G‘azodagi siyosatidan norozi Davlat departamenti rasmiysi iste’foga chiqdi