Mutaxassislar ma'lumotiga ko‘ra, 2025 yilning yanvar-sentyabr oylarida Rossiyadan O‘zbekistonga jonli hayvonlar yetkazib berish hajmi 26 million AQSh dollaridan oshib, 2024 yilning shu davridagi 2 million dollarlik ko‘rsatkichdan deyarli 13 barobar yuqori bo‘ldi. Bu o‘sish Markaziy Osiyo mamlakatlarida qoramol va parranda go‘shtiga bo‘lgan talabning ortishi, shuningdek, Rossiya va O‘zbekiston o‘rtasidagi logistika hamda veterinariya kelishuvlarining kengayishi bilan izohlanadi.
2025 yilning dastlabki to‘qqiz oyi davomida Rossiyadan eksport qilingan jonli hayvonlarning asosiy qismi qoramol va parranda hisobiga to‘g‘ri keladi. Taqqoslash uchun aytish mumkinki, Rossiyadan O‘zbekistonga jonli hayvonlar eksportining maksimal yillik hajmi avval 2022 yilda qayd etilib, 3,5 million dollarni tashkil etgan edi.
2025 yil ko‘rsatkichlari esa ushbu rekordni qariyb 8 barobar oshirib yubordi. O‘zbekiston o‘z chorvachilik sohasini rivojlantirishni davom ettirmoqda, ammo qoramol, xususan, nasldor hayvonlarning bir qismi hali ham import qilinmoqda.
Rossiya esa 2022 yildan keyingi davrda eksport oqimlarini qayta yo‘naltirish fonida MDH mamlakatlariga qishloq xo‘jaligi mahsulotlarini yetkazib berishni oshirmoqda. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
