O'zbekistonda qimmatli qog'ozlar bozorida investitsion vositachilar faoliyatini tartibga soluvchi yangi Nizom tasdiqlandi. Bu haqda Podrobno.uz xabar beradi.
Mazkur hujjat 2025-yil 14-noyabr kuni Milliy istiqbolli loyihalar agentligi direktori tomonidan imzolangan va 18-dekabr kuni Adliya vazirligida 3728-raqam bilan ro'yxatga olingan. Avval amal qilgan nizom 2002-yilda qabul qilingan edi.
Yangi hujjat investitsion vositachilarning zamonaviy talablariga mos faoliyatini belgilaydi hamda qimmatli qog'ozlar bozorida brokerlik va dilerlik faoliyatini amalga oshirish tartibini aniqlaydi. Nizomga ko'ra, investitsion vositachi mijoz topshirig'iga binoan uning nomidan va mablag'lari hisobidan qimmatli qog'ozlar bilan operatsiyalarni amalga oshiruvchi professional ishtirokchi hisoblanadi.
Investitsion vositachilar shartnoma asosida brokerlik xizmatlarini ko'rsatish, mijoz mablag'lari hisobidan o'z nomidan operatsiyalarni amalga oshirish, depozitariya xizmatlarini bajarish, anderrayting xizmatlarini taqdim etish hamda market-meyker sifatida faoliyat yuritish imkoniyatiga ega bo'ladi. Shuningdek, hujjatda emissiya qilingan qimmatli qog'ozlarni joylashtirish bo'yicha emitentlar bilan shartnomalar tuzish imkoniyati ham nazarda tutilgan.
Bu shartnomalar joylashtirilmagan qismni sotib olish majburiyati bilan yoki majburiyatsiz amalga oshirilishi mumkin.
Mehmon guruhidagi foydalanuvchilar ushbu nashrga izoh qoldira olmaydi.
