Andijon viloyatidan ikki voyaga yetmagan yigit avtomobil o'g'irlash va huquqni muhofaza qilish organi xodimiga hujum qilganlikda aybdor deb topildi. Bu haqda “Zamon” dasturi xabar berdi.
Tergov ma'lumotlariga ko'ra, yigitlar Sirdaryo viloyatida haydovchi avtomobil salonini yonilg'i quyish shoxobchasida tark etganidan foydalanib, Cobalt avtomobilini o'g'irlashgan. 1-avgustdan 2-avgustga o'tar kechasi ularni Bo'ka tumanida ichki ishlar bo'limi mayor Nurbek Shodiev to'xtatgan.
Ularni bo'limga olib ketish jarayonida yigitlarning biri xodimning bo'yniga pichoq bilan jarohat yetkazgan va ular mayorning xizmat avtomobili Matizda qochib ketishgan. Keyinchalik, Ohangaron tumanida jinoyatchilar ularni to'xtatmoqchi bo'lgan yo'l harakati inspektorini urib yuborishgan.
Inspektor o'rtacha darajada jarohat olgan. Bo'ka tuman sudi har ikki voyaga yetmagan shaxsni qotillikka suiqasd va ikki marta transport vositasini o'g'irlashda aybdor deb topdi.
Sud hukmiga ko'ra, ulardan biriga 9,5 yil, ikkinchisiga esa 15,5 yil ozodlikdan mahrum qilish jazosi tayinlandi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
