Toshkent shahrida jamoatchilikni larzaga solgan holat yuzasidan sud qarori chiqarildi. Ma’lum bo‘lishicha, “KORZINKA” savdo majmuasida ishlovchi xodim notanish ayolga nisbatan axloqqa zid harakat sodir etgani uchun ma’muriy javobgarlikka tortildi.
Sud materiallariga ko‘ra, hodisa 14 dekabr kuni Shayxontohur tumanida joylashgan savdo majmuasida sodir bo‘lgan. A.I. fuqaro M.X. oldidan o‘tib ketar ekan, uning bel qismidan ushlab, shaxvoniy mazmundagi harakat qilgan.
Shundan so‘ng u IIBga olib kelinib, tushuntirish ishlari olib borilgan vaqtda ham qoidabuzarlikni davom ettirgan. A.I. ichki ishlar xodimlariga qo‘pol munosabatda bo‘lib, jamoat joyida baqir-chaqir qilgan va qonuniy talablarga bo‘ysunmagan.
15 dekabr kuni bo‘lib o‘tgan sud majlisida fuqaro MJtKning tegishli moddalari asosida aybdor deb topilib, unga uzil-kesil 10 sutka ma’muriy qamoq jazosi tayinlandi.
Huquqni muhofaza qiluvchi organlar jamoat joylarida fuqarolarning daxlsizligi qonun bilan himoya qilinishi, bunday holatlarga nisbatan qat’iy choralar ko‘rilishini ta’kidlamoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
