O‘zbekiston Respublikasi Turizmni rivojlantirish davlat qo‘mitasi tashabbusi bilan yurtimizning turizm salohiyatini yuksaltirish, xususan, ziyorat turizmini yanada rivojlantirish, bu borada halqaro tajribalar bilan yaqindan tanishish maqsadida qator turistik kompaniyalar vakillari, Islom sivilizaciyasi markazi mutaxassislari, “Dunyo bo‘ylab” telekanali ijodkorlari bilan birgalikda Indoneziyaning Jakarta shahrida qator soha mutaxassislari bilan uchrashuvlar o‘tkazishdi. Turizmni rivojlantirish davlat qo‘mitasi matbuot xizmati xabariga asosan Kun nashri shu haqida xabar berdi.
Delegatsiya a’zolari dastlab Jakarta shahridagi “Istiqlol” jome masjidi imom xatibi Nosiruddin Umar bilan uchrashishdi. Uchrashuvda Qo‘mita vakillari tomonidan mamlakatimizda so‘nggi oylarda ziyorat turizmi yo‘nalishida amalga oshirilgan ishlar haqida ma’lumotlar berildi.
Uchrashuv “Istiqlol” jome masjidi imom xatibi Nosiruddin Umar hamda O‘zbekiston Respublikasi Turizmni rivojlantirish davlat qo‘mitasi raisi Aziz Abduhakimovlarning onlayn muloqoti bilan boshlandi.
Islom sivilizatsiyasi markazi mutaxassislari islom tamaddunida yurtimizning tutgan o‘rni, ulug‘ muhaddis Imom al-Buxoriy, At-Termiziylarning shu zamindan yetishib chiqqani, naqshbandiylik tariqati asoschisi Bahouddin Naqshbandning ilmi irfondagi o‘rni haqida so‘zlashishdi.
Masjid imom xatibi mamlakat prezidenti tomonidan tayinlanadi va u Indoneziyadagi barcha masjidlar faoliyatini muvofiqlashtiradi.
Ma’lumotlarga qaraganda, har yili Indoneziyadan 900 ming nafar kishi Umra ziyoratiga, 250 ming fuqaro Haj ziyoratiga boradi. Mamlakatda ziyorat turizmiga qiziqish juda katta.
“Istiqlol” jome masjidi imom xatibi Nosiruddin Umar O‘zbekistonga qilgan tashrifidan olgan ulkan taassurotlari haqida gapirib, indoneziyaliklar ziyorat qilish uchun hadeb Turkiya kabi davlatlarga boravermasdan, O‘zbekistonga, islom olamining tengi yo‘q olimu ulamolari yurtiga borishlari kerakligini ta’kidladi. Bunga da’vat qilish uning vazifasi ekanligi, bu ezgu ishda u O‘zbekistonning vakiliga aylanishga tayyorligini qayta- qayta takrorladi. Buning uchun esa ikki tomonlama ana shunday aloqalarni yanada mustahkamlash, oliy o‘quv yurtlari orasida talaba almashish tajribasini qo‘llash taklifini bildirdi. Delegatsiya vakillari bu taklifni mamnuniyat bilan qo‘llab-quvvatlab, kelgusi uchrashuvda bu borada amaliy takliflar bilan kelishlarini qayd etishdi.
Uchrashuv so‘nggida “Istiqlol” masjidining tarixi, uning mamlakat mustaqilligidan keyin bunyod etilgani uchun shunday nomlangani, u bugungi kunda diniy bag‘rikenglik ramzi bo‘lib kelayotgani, inshoot yonginasida katolik va protestantlik cherkovlari borligi haqida so‘zlab berildi.
Masjid hududi - 20 gektarga yaqin. Majmua yevropalik bosh me’mor Frederik tomonidan bunyod etilgani uchun ham unda Sharqu G‘arb uyg‘unligini ko‘rish mumkin. Mamlakatning ulkan masjidlaridan biri bo‘lgan bu muqaddas inshoot bir vaqtning o‘zida 200 mingdan ziyod namozxonni qabul qila oladi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
Toshkentda 02 kodli avtoraqamlar taxminan qachon paydo bo‘lishi aytildi
Zoir Mirzayev “Telefonsiz maktab”ga 300 mln so‘m mukofot berdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Germaniyada maktab o‘quvchilari ommaviy ravishda islom dinini qabul qilmoqda
