3 793
Xalqaro terroristik tashkilotlarning a’zolari bo‘lgan hamyurtlarimiz Suriyadan O‘zbekistonga olib kelindi (video)
Davlat xavfsizlik xizmati idoralari tomonidan chet el maxsus xizmatlari bilan hamkorlikda O‘zbekiston Respublikasi xavfsizligiga tahdid soluvchi va ayni paytda Suriya davlatida faoliyat yuritayotgan “Kotibatul Imom-al Buxoriy” va “Kotibatul Tavhid va Jihod” xalqaro terroristik tashkilotlarning rahbarlari va mas’ul shaxslari bo‘lgan bir nechta hamyurtimiz xorijiy davlatda ushlanib, O‘zbekistonga olib kelindi.
Ushlangan shaxslardan biri Suriyadagi “Kotibatul Imom-al Buxoriy” terroristik tashkiloti rahbari bo‘lgan. U 1984 yil Surxondaryo viloyatida tug‘ilgan, O‘zbekiston Respublikasi fuqarosi. 2009-2010 yillarda Surxondaryo viloyatida yashirin faoliyat yuritgan “Jihodchilar” jamoatining a’zosi bo‘lgan. 2011 yilda Rossiya, Turkiya orqali Suriya davlatiga chiqib ketgan va qo‘poruvchilik amaliyotlari bo‘yicha tayyorgarlikdan o‘tgan.
Ikkinchi fuqaro Suriyadagi “Kotibatul Imom-al Buxoriy” terroristik tashkilotini moliyalashtirish, yangi a’zolarni yollash hamda olib kelish ishlariga mas’ul bo‘lgan. U 1985 yil Andijon viloyatida tug‘ilgan, O‘zbekiston Respublikasi fuqarosi. 2014 yil Suriyaga borib, qo‘poruvchilik amaliyotlari bo‘yicha tayyorgarlikdan o‘tgan.
Yana bir fuqaro esa, 2015 yilda “Kotibatul Tavhid va Jihod” tashkilotiga qo‘shilgan va uning yangi a’zolarini Turkiyada kutib olish, Suriyaga o‘tkazish ishlariga mas’ul bo‘lgan. U 1993 yil Namangan viloyatida tug‘ilgan, O‘zbekiston Respublikasi fuqarosi. 2011 yil Pokiston orqali Afg‘onistonga borib, “Islom jihodi ittifoqi” terroristik tashkilotiga a’zo bo‘lgan va qo‘poruvchilik amaliyotlari bo‘yicha tayyorgarlikdan o‘tib, hukumat qo‘shinlariga qarshi janglarda faol ishtirok etgan.
Mazkur fuqarolar xorijda soxta hujjatlar bilan yurgan va o‘zlarini uyg‘ur millatiga mansub, deb tanishtirishgan.
Bundan tashqari, DXX xodimlarining sa’y-harakati bilan “Kotibatul Tavhid va Jihod” terroristik tashkilotining a’zosi bo‘lgan boshqa bir hamyurtimiz ham xorijdan O‘zbekistonga olib kelindi.
Bu shaxs “Kotibatul Tavhid va Jihod” terroristik tashkilotining moddiy ta’minoti uchun pul yig‘ish, shuningdek, yangi a’zolarni yollash hamda Suriyaga yuborish bilan faol shug‘ullangan. U 1990 yil Sirdaryo viloyatida tug‘ilgan, O‘zbekiston Respublikasi fuqarosi.
Mazkur holatlar tafsilotlarini quyidagi VIDEOLAVHA orqali ko‘rishingiz mumkin.
O‘zA xabariga ko‘ra, hozirda mazkur shaxslarga nisbatan O‘zbekiston Respublikasi Jinoyat kodeksining tegishli moddalariga muvofiq qo‘zg‘atilgan jinoyat ishlari doirasida tergov-surishtiruv ishlari olib borilmokda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Sariqmi yoki yashil: qaysi turdagi banan foydaliroq?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi