Foto: Hasan Paydoyev / “Xalq soʻzi”
Shu yilning 28 avgust kuni poytaxtimizdagi “Turkiston” saroyida hozirgi paytda Amerika Qoʻshma Shtatlarida istiqomat qiladigan Oʻzbekiston xalq artistlari Izro Malakov va Muhabbat Shamayeva konsert beradi. Bundan tashqari, xalq artistlari davlatimiz rahbari tashabbusi bilan joriy yilning 6-10 sentyabr kunlari Shahrisabz shahrida ilk bor oʻtkaziladigan Xalqaro maqom sanʼati anjumanida ishtirok etadi.
Bugun ushbu sanʼatkorlar yurtimizga yetib keldi. Fursatdan foydalanib, ulardan eksklyuziv intervyu oldik. Muhabbat Shamayeva ham oʻzbek sanʼati haqidagi fikrlari bilan oʻrtoqlashdi.
Muhabbat SHAMAYEVA, Oʻzbekiston xalq artisti:
— Yana bir bor Vatanimda ekanligimdan behad hayajonlanib, xursand boʻlib turibman. Ona-yurtingning tuprogʻi isi boshqa joydan topilmaydi.
Vatanimiz sahnasida kuylash — katta baxt. Konsert dasturimizga “okean orti”dan yuzlab mehmonlar ham tashrif buyuryapti.
Sanʼat — mening hayotim. Uningsiz oʻtgan hayotimni ham, kelajagimni ham tasavvur qila olmayman. Oʻzbekistonda tugʻilib, oʻsdik. Sanʼatning sirli olamiga qadam qoʻydik. Yuzlab ashulalarimiz oʻzbek qoʻshiqchilik sanʼatining oltin fondidan joy oldi. Dunyoning 30 dan ziyod mamlakatlarida gastrol safarlarida boʻlganman. U yerlardagi oʻzbeklar hozirgi kunda ham “Koʻchalar”, “Oʻrik gullaganda”ni kuylab berishimni soʻrashadi.
AQSHda ham “Maqom” degan kichik ansambl tuzganmiz. Turli kechalar, festivallar va bayramlarda ishtirok etamiz. Oʻzbek xalqining sanʼatini, madaniyatini, urf-odatlarini targʻib qilamiz.
“Turkiston” saroyidagi konsert dasturimizga vatandoshlarimizning qiziqishi yuqoriligidan boshim koʻkka yetdi. Axir sanʼatni qadrlagan xalq tinchlik, insonparvarlik, mehr-oqibat, maʼnaviy komillik yoʻlida jipslashadi. Uning badiiy didi oʻtkir, estetik saviyasi yuksak boʻladi.
Konsertimizda Sherali Joʻrayev, Ozodbek Nazarbekov, Yulduz Turdiyeva kabi xalqimiz ardogʻidagi sanʼatkorlarning ham ishtirok etishi uning nufuzini, ommabopligini oshirishiga ishonaman.
Shahrisabz shahrida ilk bor oʻtkaziladigan Xalqaro maqom sanʼati anjumanida ham qatnashishimiz bizga katta mamnunlik, yuksak gʻurur-iftixor bagʻishlaydi. Zero, mazkur anjuman mumtoz merosimizni asrab-avaylash, uni yoshlarga bezavol yetkazishda, xorijliklar uchun esa milliy musiqa sanʼati yutuqlarini, anʼanalarini oʻrganishda muhim ahamiyat kasb etadi.
“Xalq soʻzi” muxbiri Dilshod KARIMOV yozib oldi.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin «Krokus»da sodir etilgan terakt uchun o‘ch olishga chaqirdi
Mariya Zaxarova ukrainaliklarni Amerika hindulariga o‘xshatdi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Uchar avtomobil yo‘lovchi bilan birinchi parvozini amalga oshirdi (video)
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Amerikalik olimlar barcha uchun birdek foydali jismoniy faollik turini aniqladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
