Foto: “Dunyo” AA
O‘zbekistonning Misrdagi elchixonasida Abdulla Qodiriyning “O‘tkan kunlar” romanining ilk arab tilidagi “O‘tkan kunlar: Turkistondagi achchiq sevgi qissasi” deb nomlangan nashrining taqdimoti bo‘lib o‘tdi. Bu haqda “Dunyo” AA xabar berdi.
Ma’lum qilinishicha, asar Ayn-Shams va Muhammad al-Jibali tomonidan arab tiliga o‘girilgan. Elchixona ko‘magida ushbu roman arab dunyosi o‘quvchilariga ilk marotaba “O‘tkan kunlar: Turkistondagi achchiq sevgi qissasi” nomi ostida taqdim etildi.
Asar tarjimonlaridan biri Muhammad al-Jibali o‘z ma’ruzasida o‘zbek xalqi uchun qadrdon bo‘lgan ushbu asarni arab tiliga tarjima qilganidan bag‘oyatda mamnunligini bildirar ekan, ushbu yo‘nalishdagi sa’y-harakatlarini davom ettirishga tayyorligini bildirdi.
Xabarga ko‘ra, tarjimada asarning eski o‘zbek yozuvidagi ilk nusxasidan hamda rus va ingliz tillaridagi tarjimalaridan foydalanilgan.
Chop etilgan kitob muqovasida Abdulla Qodiriy avlodlari tavsiyasiga ko‘ra, “O‘tkan kunlar” romanining 1925 yildagi ilk nashrining suratidan foydalanilgan. Kitob qattiq muqovada va sarg‘ish rangli silliq qog‘ozda chop etildi. Mintaqadagi eng yirik “Dorul-Maorif” nashriyotida 1000 nusxada chop etilgan kitobni Misrdagi barcha yirik kutubxonalar va universitetlar, ta’lim va madaniyat muassasalari, davlat idoralari, Qohiradagi diplomatik korpus o‘rtasida tarqatish rejalashtirilgan. Boshqa arab davlatlarida ham mazkur roman tarjimasini qayta chop etish nazarda tutilmoqda. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Buyuk Britaniya va Ukraina 100 yillik hamkorlik bo‘yicha muzokaralarni boshladi
Toshkent-Andijon pullik yo‘li loyihasi 4,65 mlrd dollarga baholandi
Messining kelishi "Inter Mayami" budjetiga qanday ta’sir qildi?
SSKA ustozi Fedotov Abbos Fayzullayevning jamoaga qaytgani haqida nima dedi?
O‘zbekistonda Xitoy bilan hamkorlikda chiqindilarni yoqish zavodi quriladi
Xorazmda Eron korxonalari uchun alohida sanoat zonasi tashkil etilyapti
Bekxem Ronalduni “Inter Mayami”ga olib kelish bo‘yicha ish boshladi
U-23 Osiyo Kubogi. O‘zbekiston so‘nggi daqiqalarda gol o‘tkazib yubordi va 2-o‘rin bilan yakunladi