Tailandning turistlar gavjum Pattaya shahrida gandbol bo‘yicha Trophy kubogining Osiyo mintaqasi o‘tkazildi va musobaqa aynan O‘zbekiston nomi bilan yodda qoldi. Qit’amizning turli mamlakatlaridan kelgan kuchli raqiblar orasida U17 terma jamoamiz jadal o‘yini, murosasiz xarakterini namoyish etdi va barcha bahslarda zafar quchib, musobaqaning bosh sovrini — oltin medalni qo‘lga kiritdi.
Final bellashuvi ayniqsa dramatik va yuqori tempda kechdi. Hindiston yoshlari ham bor kuchini ishga soldi, ammo hamyurtlarimizning irodasi ustun keldi: hisob — 40:33. Yigitlarcha kүrash darajasida o‘tgan bu bahsda qizlarimiz har bir hujumni aniqlik bilan yakunlab, raqibni muvaffaqiyatsiz holatlarga solib turdilar.
Ushbu g‘alaba evaziga jamoamiz kelasi yil bo‘lib o‘tadigan 18 yoshgacha bo‘lgan qizlar o‘rtasidagi Jahon chempionatiga munosib ravishda yo‘llanma ham qo‘lga kiritdi. Bu — yorqin natija va yangi avlod sportidagi muhim burilish nuqtasi.
Qizig‘i, bundan avval o‘tkazilgan U19 toifasidagi bellashuvlarda ham yurtdoshlarimiz chempionlikni qo‘ldan bermagan, bosh sovrin va mundial yo‘llanmasiga erishgan edi. Demak, gandbol bo‘yicha yoshlarimizdan tashkil topgan ikki avlod bir yil ichida Osiyoni zabt etib, dunyo arenasiga chiqayotgani — juda katta iftixor.
Sport olamida bu kabi uzluksiz muvaffaqiyatlar tasodif emas. Bu — mehnat, intizom va O‘zbekistonda yosh sportchilar uchun yaratilayotgan sharoitning amaldagi natijasi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
