Таиланднинг туристлар гавжум Паттая шаҳрида гандбол бўйича Trophy кубогининг Осиё минтақаси ўтказилди ва мусобақа айнан Ўзбекистон номи билан ёдда қолди. Қитъамизнинг турли мамлакатларидан келган кучли рақиблар орасида У17 терма жамоамиз жадал ўйини, муросасиз характерини намойиш этди ва барча баҳсларда зафар қучиб, мусобақанинг бош соврини — олтин медални қўлга киритди.
Финал беллашуви айниқса драматик ва юқори темпда кечди. Ҳиндистон ёшлари ҳам бор кучини ишга солди, аммо ҳамюртларимизнинг иродаси устун келди: ҳисоб — 40:33. Йигитларча күрaш даражасида ўтган бу баҳсда қизларимиз ҳар бир ҳужумни аниқлик билан якунлаб, рақибни муваффақиятсиз ҳолатларга солиб турдилар.
Ушбу ғалаба эвазига жамоамиз келаси йил бўлиб ўтадиган 18 ёшгача бўлган қизлар ўртасидаги Жаҳон чемпионатига муносиб равишда йўлланма ҳам қўлга киритди. Бу — ёрқин натижа ва янги авлод спортидаги муҳим бурилиш нуқтаси.
Қизиғи, бундан аввал ўтказилган У19 тоифасидаги беллашувларда ҳам юртдошларимиз чемпионликни қўлдан бермаган, бош соврин ва мундиал йўлланмасига эришган эди. Демак, гандбол бўйича ёшларимиздан ташкил топган икки авлод бир йил ичида Осиёни забт этиб, дунё аренасига чиқаётгани — жуда катта ифтихор.
Спорт оламида бу каби узлуксиз муваффақиятлар тасодиф эмас. Бу — меҳнат, интизом ва Ўзбекистонда ёш спортчилар учун яратилаётган шароитнинг амалдаги натижаси.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
