Angliya Premyer ligasining markaziy bahsida «Manchester Siti» o'z maydonida «Arsenal» ustidan 2:1 hisobida g'alaba qozondi. Ushbu natija chempionlik poygasidagi vaziyatni keskin o'zgartirib yubordi va London klubining peshqadamlik mavqeyiga jiddiy zarba berdi. Bu haqda Goal.com xabar beradi.
O'yindan so'ng «Arsenal» yarim himoyachisi Deklan Rays jamoadoshlarini ruhlantirishga harakat qildi. Lab o'quvchi mutaxassislar ingliz futbolchisi jamoa sardori Martin Odegaardga qarab: «Hammasi hali tugagani yo'q», deb aytganini aniqlashdi.
Garchi «Arsenal» so'nggi oltita o'yinning faqat bittasida g'alaba qozongan bo'lsa-da, jamoa ustozi Mikel Arteta shogirdlarining irodasiga ishonishini bildirdi. Uning so'zlariga ko'ra, kiyinish xonasida futbolchilar kurashni davom ettirishga tayyor ekanliklarini muhokama qilishgan.
Hozirda «Arsenal» turnir jadvalida uch ochkolik ustunlikka ega, biroq Pep Gvardiola jamoasida bitta zaxira o'yini mavjud. Oldinda londonliklarni «Nyukasl» va «Fulxem»ga qarshi muhim bahslar kutib turibdi.
“Zamin”ni Telegramʻda oʻqing!
