Kelayotgan seshanba, 7 fevral kuni “Nasaf” jamoamiz Osiyo chempionlar ligasi saralash bosqichida Saudiya Arabistonining “Al-Fath” jamoasiga qarshi maydonga tushadi.
Uchrashuv Saudiya Arabistoni Al-Ahsa shahridagi “Abdulla Bin Jalavi” stadionida, bizning vaqt bilan kech soat 20:00da boshlanadi.
“Al-Fath” klubi haqida umumiy ma’lumotlar
“Al-Fath” sport klubi Saudiya Arabistonining sharqiy hududidagi Al-Ahsa shahrida joylashgan. Al-Ahsa shahri Saudiya Arabistonining Ash-Sharqiya okrugiga qarashlidir. Ash-Sharqiya okrugi markazi Al-Dammam shahri hisoblanadi. Al-Ahsa shahri markazdan taxminan 160 km masofada uzoqlikda fors qo‘ltig‘i qirg‘og‘ida joylashgan.
Saudiya Arabistonining professional ligasi ishtirokchisi bo‘lgan “Al-Fath” futbol klubi 1958 yili tashkil etilgan. Ushbu klub mamlakatning keksa klublari qatoriga kiradi. Bu klub ancha ilgari tashkil etilganiga qaramasdan 2008/09 yilgi mavsumdan boshlab, Saudiya chempionatining eng yuqori ligasi – professional ligada ishtirok eta boshlagan. Jamoa uy uchrashuvlarini Al-Ahsa shahirdagi “Abdulla Bin Jalavi” stadionida o‘tkazadi. Sig‘imi 19096 o‘rin. Klubni Abdulaziz Alafaiq boshqaradi. Hozirgi paytda jamoada mahalliy mutaxasis Fathi Al Jabal bo‘lib turibdi.
“Al-Fath”ning milliy chempionatdagi o‘rni
Umuman “Al-Fath” klubini Saudiya Arabistoni chempionatida beqaror ishtirok etgan. Klubda murabbiylarning va futbolchilarning tez-tez almashishini kuzatish mumkin.
Ayni paytda Saudiya Arabistonida milliy chempionat davom etmoqda. Joriy mavsumda muvaffaqiyatsiz ishtirok etib kelayotgan “Al-Fath” klubi, 1 fevral kuni o‘tkazilgan 17-tur doirasidagi uchrashuvda 3:1 hisobi bilan, “Al-Rayid” klubi ustidan g‘alaba qozondi. Bu g‘alaba ularga turnir jadvalidagi mavqieni ancha o‘zgartirib olishga imkon yaratdi. Bungacha 14-o‘rinda borayotgan klub, bu g‘alabadan so‘ng 11-o‘ringa ko‘tarilib oldi. Ular hisobida endi 14 ochko bor. Saudiya Arabistoni professional ligasida jami 14 ta jamoa ishtirok etadi. Hozirda “Al-Hilol” klubi 16-turdan keyin, 40 ochko bilan turnir jadvalida peshqadamlik qilmoqda. Milliy chempionatda “Al-Fath”ning eng yuqori qayd etgan natijasi, 2012/13 yillardagi mavsumda 2-o‘rin sohibi bo‘lgan.
“Al-Fath”ning OChLdagi ishtiroki
Klub 2015/16 yilgi mavsum yakuniga ko‘ra 4-o‘rinni egallagan. OFK tomonidan 2017 yilgi OChL uchun Saudiya Arabistoniga 3+1 o‘rin ajratilgan. Shu bois “Al-Fath” OChL-2017da saralash bosqichida ishtirok etish huquqini olgan.
“Al-Fath” klubi OChL-2014 mavsumda “Bunyodkor” klubi bilan bir guruhda qatnashgan. Shu yili “V” guruhida “Bunyodkor” bilan Qatarning “Al-Jayish”, Eronning “Fulad” va Saudiya Arabistonining “Al-Fath” klublari bahs olib borishgan. Dastlab, 25 fevral kuni o‘tkazilgan “Al-Fath” (Saudiya Arabistoni) – “Bunyodkor” uchrashuvida 0:0 hisobi qayd etilgan. 16 aprel kuni Toshkentda bo‘lib o‘tgan uchrashuvda “qaldirg‘ochlar” 3:2 hisobida “Al-Fath”ni mag‘lubiyatga uchratishgan.
Shu yili “Bunyodkor” guruh bosqichidan nimchorak finaliga yo‘llanma olgan bo‘lsa, “Al-Fath” guruhda 4-o‘rinni egallab, OChLdagi ishtirokini yakunlagan. “Al-Fath” bilan bo‘lgan har ikkala uchrashuvda ham “Nasaf” jamoasining hozirgi tajribali himoyachisi Akmal Shorahmedov “Bunyodkor” tarkibida to‘liq o‘ynagan.
“Al-Fath” tarkibi
“Al-Fath” klubi OChL-2017 saralash bosqichi uchun 30 nafar futbolchini OFK ro‘yxatidan o‘tkazgan.
Darvozabonlar: 1.Habib Al Vatyan, 12.Ali Al Mazaydi, 22.Abdulloh Alovayshir
Himoyachilar: 2.Abdulla Aldavshari, 5.Joao Gailherme (Braziliya), 23.Sayof Al Bishi, 24.Yusuf Xamis, 29.Mamduh Sharahili, 32.Abdulaziz Yusuf (Aziz), 33. Ali Al Bulayhi, 45.Ibrohim Al Nahli, 87.Husain Ayub, 88.Majid Hazazi.
Yarim himoyachilar: 4.Muhammad Abu Saban, 7.Hamdan Al Hamdan (s), 8.Nuh Al Muso, 10.Andre Monteyro (Portugaliya), 14. Muhammad Al Fahaid, 15.Axmad Al Muborak, 17.Riyod Sharahili, 18.Muhammad Al Sayid, 25.Tavfiq Buhaymid, 35.Bosil Al Bahrani, 61.Ali Aleid, 89.Abdulloh Al Ammar, 90.Hamad Al Hamad.
Hujumchilar: 9.Natxan Junior (Braziliya), 11.Hamad Al Juhayim, 71.Husayn Al Jasim, 99.Abdulloh Al Baladi.
Jamoa bosh murabbiyi: Fathi Al Jabal
Jamoa tarkibida hozirgi paytda legioner futbolchilardan, braziliyalik Joao Gailherme va Natxan Junior. Portugaliyalik Andre Monteyrolar to‘p tepishmoqda.
Uchrashuv hakamlari
Ushbu uchrashuvni janubiy koreyalik hakamlar boshqaradi. OFK tomonidan uchrashuv bosh hakami etib, 34 yoshli koreyalik hakam Ko Xyuing Jin tayinlangan. Unga qanotlarda hamyurtlari Park Sangjun va Song Bonkyunlar yordam berishadi. Uchrashuvda yana bir janubiy koreyalik hakam, Kim Vusang zaxira hakami sifatida ishlaydi.
07.02.2017. OChL-2017 saralash bosqichi uchrashuvi
“Al-Fath” (Saudiya Arabistoni) – “Nasaf” (O‘zbekiston)
“Abdulla Bin Jalavi” stadioni. Soat 20:00da
Bosh hakam: Ko Xyuing Jin (J.Koreya)
Qanot hakamlari: Park Sangjun, Song Bonkyun (ikkalasi ham J.Koreyadan)
Zaxira hakami: Kim Vusang (J.Koreya)
Uchrashuv nazoratchisi: Abdul Karim Husayniy (Iordaniya)
Uchrashuv komissari: Kemel Tuqabaev (Qirg‘iziston)
Mazkur uchrashuv “Sport” telekanali orqali, 7 fevral kuni, to‘g‘ridan-to‘g‘ri translyasiya qilinishi rejalashtirilgan.
Manba: www.fcnasaf.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Medvedev: Maxsus harbiy operatsiya uchun qurollarning aksariyati Rossiyada ishlab chiqariladi
Eron oliy rahnamosi Netanyaxuni qatl qilishga chaqirdi
Migren, klaster sefalgiya, zo‘riqish... Bosh og‘rig‘ining necha turi mavjud?
Shimoliy Koreya ballistik raketalar ishlab chiqaruvchi zavodini kengaytirmoqda
Xonanda Munisa Rizayeva ilk marta ona bo‘ldi
AQSHda 10 yoshli bola politsiyaga qo‘ng‘iroq qilib, matematikadan uy vazifasini bajarishda yordam so‘radi
Maksim Shatskix "Istiqlol"ga qarshi o‘yin oldidan nimalar dedi?
2024 yilda Rossiyani bir million migrant tark etdi
