Bugun, 7 may kuni O‘zbekistonning ayrim hududlarida ob-havo noqulay tus olishi kutilmoqda. Bu haqda O‘zgidromet ma’lum qildi.
Sinoptiklar prognoziga ko‘ra, Qoraqalpog‘iston Respublikasi, Xorazm viloyati hamda Navoiy viloyatining ayrim hududlarida shamol tezligi sekundiga 13–18 metrga qadar kuchayadi. Ayrim joylarda esa chang-to‘zonlar kuzatilishi mumkin.
Mutaxassislar bunday ob-havo sharoitida fuqarolardan ehtiyot choralariga amal qilishni so‘ramoqda. Ayniqsa, nafas yo‘llari bilan bog‘liq muammosi bor insonlarga imkon qadar ochiq havoda uzoq vaqt qolmaslik tavsiya etilgan.
Shuningdek, kuchli shamol sabab daraxt shoxlari sinishi yoki yengil konstruksiyalarga zarar yetishi ehtimoli ham mavjud. Haydovchilarga yo‘llarda hushyor bo‘lish, piyodalarga esa xavfsizlik qoidalariga rioya qilish tavsiya qilinmoqda.
Sinoptiklarning ta’kidlashicha, changli ob-havo qisqa muddat davom etishi mumkin, biroq ayrim hududlarda ko‘rinish masofasi vaqtincha yomonlashadi.
“Zamin”ni Telegramʻda oʻqing!
