Aktrisa va bloger Feruza Normatova “YashinTV” loyihasidagi suhbatida turmush o‘rtog‘ining farzandiga bo‘lgan munosabati haqida samimiy fikr bildirdi.
Uning aytishicha, turmush o‘rtog‘i farzandini juda yaxshi ko‘radi va u uchun har narsaga tayyor: “‘Aliment’ degan gap bizda muammo emas. Turmush o‘rtog‘im: ‘Bolamni ko‘rsam bo‘ldi, alimentni umr bo‘yi to‘layman. Bolamni bersa, hamma narsamni beraman’, deydi. U bolasi uchun mashina olib berishni, chet elga sayohatlarga olib borishni, uni xursand qilishni xohlaydi.”
Feruza Normatova shu bilan birga, bu masalada qiyinchiliklar ham bo‘layotganini yashirmadi: “Afsuski, u tomonda turli to‘siqlar bor. Bolani otasidan uzoqlashtirish, 15 sutkalab qamatish, otasiga bir yillab bolasini ko‘rsatmaslik, hatto boshqa odamni ‘dada’ deb ayttirishga urinish — bu insoniylikka to‘g‘ri kelmaydi.”
Aktrisa turmush o‘rtog‘ining farzandini qabul qilishga tayyor ekanini ham ta’kidladi: “Men u bolani o‘z farzandimdek qabul qilishga tayyorman. Turmush o‘rtog‘imning xotirjamligi — mening ham xotirjamligim. Otani bolasidan, bolani otasidan ajratadigan inson bo‘lishni istamayman.”
U, shuningdek, bu masalada ko‘p gap-so‘zlarga qaramay o‘z pozitsiyasidan qaytmasligini bildirdi: “Bolaga bo'lgan mehr bilan ayolga bo‘lgan mehrni solishtirib bo‘lmaydi — bu ikki xil tuyg‘u. Ular farzandi bilan baxtli bo‘lsa, men ham xursand bo‘laman”, — dedi Feruza Normatova.
