Bundesliganing 19-turida “Frayburg” va “Kyo'ln” Yevropa-park stadionida keskin va voqealarga boy uchrashuv o'tkazdi. Bu haqda euro-football.ru xabar beradi.
Mehmonlar 10-daqiqada hisobni ochdi: Maks Rozenfelder o'z darvozasiga to'p kiritib qo'ydi. Biroq “Frayburg” darhol javob qaytardi — Yuito Sudzuki hujumni tezlashtirdi, Derri Sherxant esa darvozabon ustidan to'pni oshirib tashlab, muvozanatni tikladi (1:1).
Birinchi bo'lim yakunlanishi arafasida mezbonlar oldinga chiqib oldi. 44-daqiqada Igor Matanovich Mattias Ginter uzatmasini aniq yakunlab, “Frayburg”ni hisobda oldinga olib chiqdi — 2:1.
Ikkinchi bo'lim o'rtalarida “Kyo'ln” jarima maydonida qo'l bilan o'yin qayd etilib, “Frayburg” foydasiga penalti belgilandi. 11 metrlik zarbani Matanovich ijro etdi, ammo darvozabon to'pni qaytarib, uni burchak to'piga chiqarib yubordi.
2:1 hisobidagi g'alaba “Frayburg”ni turnir jadvalida 7-o'ringa ko'tardi, “Kyo'ln” esa 10-pog'onada qoldi.
“Zamin”ni Telegramʻda oʻqing!
