“Barselona”ning sobiq yarim himoyachisi Aleksandr Gleb Belarus milliy jamoasining Viktor Gancherenko qo‘l ostidagi istiqbollari haqida fikr bildirdi. Bu haqda euro-football.ru xabar beradi.
Glebning ta’kidlashicha, murabbiyning Belarusni Yevropa chempionatiga olib chiqishi oson bo‘lmaydi. U terma jamoada ishlash bilan klubdagi ish orasida katta farq borligini eslatib, Gancherenkoning yangi vazifaga qanday moslashishini vaqt ko‘rsatishini aytdi.
Shu bilan birga, sobiq futbolchi har qanday holatda ham jamoa va bosh murabbiyni qo‘llab-quvvatlashini bildirdi. Uning umidi — Gancherenko bilan Belarus terma jamoasi oldinga qadam tashlashi.
Eslatib o‘tamiz, belarusliklar AQSH, Kanada va Meksikada bo‘lib o‘tadigan navbatdagi jahon chempionatiga yo‘llanma ola olmadi.
“Zamin”ni Telegramʻda oʻqing!
