Bundesliganing 19-turi doirasida “Frayburg” va “Kyo'ln” uchrashuvi keskin voqealarga boy tarzda o'tdi. Bu haqda euro-football.ru xabar beradi.
O'yinda hisob 10-daqiqada ochildi: “Kyo'ln” himoyachisi Maks Rozenfelder to'pni o'z darvozasiga yo'llab qo'ydi. Biroq “Frayburg” tezda javob qaytardi — Yuito Sudzuki hujumni boshladi, Derri Sherhant esa darvozabon ustidan to'pni oshirib, muvozanatni tikladi (1:1).
Birinchi bo'lim oxirida mezbonlar oldinga chiqib oldi: 44-daqiqada Igor Matanovich Mattias Ginter uzatmasini golga aylantirib, hisobni 2:1 ko'rinishiga keltirdi.
Ikkinchi bo'lim o'rtalarida “Kyo'ln” darvozasiga penalti belgilandi — Alessio Kastro-Montes qo'l bilan o'ynagani qayd etildi. Ammo Matanovich 11 metrlik zarbani aniq ijro eta olmadi: darvozabon to'pni qaytarib, burchak to'piga chiqarib yubordi.
Ushbu g'alabadan so'ng “Frayburg” turnir jadvalida 7-o'ringa ko'tarildi, “Kyo'ln” esa 10-pog'onada qoldi.
“Zamin”ni Telegramʻda oʻqing!
