Bir necha tur avval «Lill» chempionat peshqadamlariga yaqin borayotgandi, biroq yakshanba kuni jamoa ketma-ket uchinchi bor yutqazdi. Bu safar «Dekatlon Arena Steyd Pyer-Morua»da «Strasburg» mezbonlarni 4:1 hisobida taslim etdi. Bu haqda euro-football.ru xabar beradi.
Uchrashuv taqdirini mehmonlar birinchi bo'limdayoq hal qila boshladi: 25-daqiqada Xoakin Panichelli hisobni ochdi, oradan bir daqiqa o'tib u Xulio Ensisoga golli uzatma berdi — 0:2. Ensiso dubl qayd etishi mumkin edi, biroq jarima maydonidan yo'llagan zarbasi aniq chiqmadi. «Strasburg» hujumlari to'xtamadi: Diegu Moreyra darvozabonni ishga soldi, Martyal Godo uzatmasidan so'ng Panichellining boshi bilan yo'llagan zarbasi esa to'singa tegdi.
Ikkinchi bo'limda ham «Strasburg» bosimi davom etdi: Moreyra yana xavfli vaziyat yaratdi, ammo himoyachi zarbani to'sdi. 58-daqiqada aynan Moreyra jarima maydonida Godoni topdi va hisob yiriklashdi — 0:3. 72-daqiqada Godo Ensiso pasidan keyin yana gol urib, dublini rasmiylashtirdi — 0:4. «Lill» faqat yakunda Matias Fernandes-Pardo orqali hisobni qisqartirib, o'yinni 1:4 natija bilan yakunladi.
Ushbu mag'lubiyatdan so'ng «Lill» turnir jadvalida 5-o'rinda bormoqda, «Strasburg» esa 7-pog'onada va raqibidan atigi ikki ochko ortda.
“Zamin”ni Telegramʻda oʻqing!
