Turinning “Yuventus”i va Fransiya terma jamoasi sobiq hujumchisi David Trezege yana Argentinaga yo'l oldi. U avvalroq “River Pleyt” safida ham to'p surib, klub bilan Argentina futboli ikkinchi ligasida chempionlikni qo'lga kiritgan edi. Bu haqda euro-football.ru xabar beradi.
Endilikda Trezege “River Pleyt”ga futbolchi sifatida emas, rahbariyat tarkibiga qo'shilish uchun qaytdi. Klub uning taqdimotini butun boshqaruv jamoasi ishtirokida o'tkazdi.
Fransuz mutaxassisning aniq lavozimi hozircha ochiqlanmadi, biroq u strategik masalalar bilan shug'ullanishi va “River Pleyt”ni institutsional darajada vakillashi ma'lum qilindi.
Eslatib o'tamiz, Trezege professional faoliyatini 2015 yilda yakunlagan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
