Fransiya chempionatining 19-turida PSJ safarda "Oser" ustidan 1:0 hisobida g'alaba qozondi. Uchrashuv taqdirini yakunda qanot hujumchisi Bredli Barkola urgan yagona gol hal qildi. Bu haqda euro-football.ru xabar beradi.
O'yindan so'ng parijliklar himoyachisi Ilya Zabarniy natija haqida o'z fikrlarini aytdi.
"Jamoa raqibni siqib qo'ya olishiga ishondi. PSJ hech qachon to'xtamaydi va o'z ishini bajaradi — bu bizning asosiy kuchimiz. Hisob qanday bo'lishidan qat'i nazar, jamoa hujum qilishdan charchamaydi, tempni ushlab turadi. Gol urish vaqt masalasi edi", — dedi ukrainalik futbolchi OAV bilan suhbatda.
Ushbu g'alabadan keyin Luis Enrike shogirdlari 45 ochko jamg'arib, Liga 1 turnir jadvalida peshqadamlikni saqlab qoldi. PSJ "Lans"ni ikki ochkoga ortda qoldirmoqda.
“Zamin”ni Telegramʻda oʻqing!
