«Liverpul» jamoasi sardori Virgil van Deyk Chempionlar ligasidan chiqib ketishganidan so'ng o'z fikrlari bilan o'rtoqlashdi. Mersisaydliklar javob uchrashuvida «PSJ» jamoasiga 0:2 hisobida imkoniyatni boy berib, musobaqa bilan xayrlashdi. Bu haqda Goal.com xabar beradi.
Niderlandiyalik himoyachi «Enfild» stadionida o'tgan bahsdan so'ng ruhan tushkun holatda ekanini yashirmadi. Uning so'zlariga ko'ra, jamoa keyingi bosqichga chiqish uchun yetarli darajada harakat qilmagan.
«Hozir o'zimni yaxshi his qilmayapman. Shunchaki eshik qoqishning o'zi yetarli emas, biz g'alaba uchun ko'proq mehnat qilishimiz kerak edi», — dedi Van Deyk o'yindan keyingi intervyuda.
«Liverpul» sardori raqibning g'alabasi haqli bo'lganini tan oldi. Angliya klubi Yevropa maydonlaridagi yurishini to'xtatganidan so'ng, bor e'tiborini ichki chempionatdagi o'yinlarga qaratishga majbur bo'ladi.
“Zamin”ni Telegramʻda oʻqing! 
