«Antalyaspor» futbolchisi Georgiy Jikiyaning agenti Vladimir Kuzmichyov rossiyalik himoyachining klubdagi istiqboli yuzasidan izoh berdi. Bu haqda euro-football.ru xabar beradi.
Agentning so‘zlariga ko‘ra, Jikiyaning ahvoli yaxshi va klub murabbiylar shtabi unga ishonmoqda. So‘nggi uchrashuvlarda u maydonga tushmagani mikrojaroqat bilan bog‘liq bo‘lgan, hozir esa tiklanib ulgurgan va kelasi o‘yinda safga qaytishi kutilmoqda.
Eslatib o‘tamiz, avvalroq matbuotda turk klubi «Spartak»ning sobiq sardori bilan xayrlashishni istayotgani haqida xabarlar tarqalgan edi.
Jikiya joriy mavsum Turkiya chempionatida 12 ta uchrashuvda qatnashib, 2 bor raqib darvozasini ishg‘ol qildi. Uning «Antalyaspor» bilan amaldagi shartnomasi 2027 yil o‘rtalarigacha mo‘ljallangan.
“Zamin”ni Telegramʻda oʻqing!
