"Bavariya" sport direktori Maks Eberl "Augsburg"ga qarshi o'yindan (1:2) so'ng yarim himoyachi Jamal Musialaning holati va maydondagi harakatlariga to'xtaldi. Bu haqda euro-football.ru xabar beradi.
Eberlning ta'kidlashicha, yuqori darajadagi chempionatga uzoq tanaffusdan keyin qaytish oson emas. Musiala bu safar atigi yarim soat o'ynagan, formaga asta-sekin kirib bormoqda va u ko'proq o'yin vaqtiga muhtoj. Funksioner fikricha, futbolchi jarima maydonida ikki-uchta imkoniyatga ega bo'ldi, biroq to'qqiz oylik tanaffusdan keyin maydonda tez va to'g'ri qaror qabul qilish qiyinligi sezildi.
Joriy Bundesligada Musiala ikki uchrashuvda maydonga tushib, bitta golli uzatma muallifi bo'ldi.
"Bavariya" navbatdagi o'yinini 28 yanvar kuni PSVga qarshi o'tkazadi. Chempionlar ligasi 8-tur bahsi 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
