«Antalyaspor» futbolchisi Georgiy Djikiya bilan ishlaydigan agent Vladimir Kuzmichyov rossiyalik himoyachining klubdagi istiqboli yuzasidan fikr bildirdi. Bu haqda euro-football.ru xabar beradi.
Agentning aytishicha, Djikiyaning ahvoli yaxshi, jamoa murabbiylar shtabi ham unga ishonmoqda. So‘nggi uchrashuvlarda u maydonga tushmagani sababi esa mikrojaroqat bo‘lgan, hozir esa tiklanib ulgurgan va keyingi o‘yinda o‘ynashi kutilmoqda.
Avvalroq ommaviy axborot vositalarida turk klubi «Spartak»ning sobiq sardori bilan xayrlashmoqchi ekani haqida xabarlar tarqalgan edi.
Djikiyaning Turkiya chempionati joriy mavsumida 12 ta o‘yinda qatnashib, 2 ta gol urgani qayd etiladi. Uning «Antalyaspor» bilan amaldagi shartnomasi 2027 yilning o‘rtalarigacha mo‘ljallangan.
“Zamin”ni Telegramʻda oʻqing!
