Krishtianu Ronaldu murabbiy bilan kelishuvga ko‘ra OFK Chempionlar ligasi 2 (Osiyodagi klublar o‘rtasidagi ikkinchi darajali turnir) guruh bosqichi o‘yinlarida maydonga tushmayapti. Shunga qaramay, «Al-Nasr» yetakchisiz ham ishonchli harakat qilmoqda. Bu haqda euro-football.ru xabar beradi.
Saudiya klubi chorshanba kuni guruhdagi beshinchi uchrashuvini ham yutib, Tojikistonda «Istiklol»ni 4:0 hisobida yirik mag‘lubiyatga uchratdi va guruhni 5 o‘yinda 5 g‘alaba bilan yakunlashga yaqinlashdi.
O‘yindan so‘ng Ronaldu ijtimoiy tarmoqlarda «Al-Nasr»ning guruhni birinchi o‘rinda tugatib, keyingi bosqichga chiqqani haqidagi postni repost qildi. Krishtianu bu xabarga olov va qarsak emojilarini qo‘shdi.
40 yoshli hujumchining «Al-Nasr» bilan amaldagi shartnomasi 2027 yil o‘rtalarigacha mo‘ljallangan.
Shuningdek, internetda Ronaldu va Tojikiston bilan bog‘liq feyk xabar ham qizg‘in muhokama qilinmoqda.
“Zamin”ni Telegramʻda oʻqing!
