“Everton” va “Manchester Siti” toʻqnashuvi intrigaga boy kechdi
“Everton” va “Manchester City” o'rtasidagi Angliya Premier-ligasi uchrashuvi 3:3 hisobida durang bilan yakunlandi. Uchrashuvda “Everton”dan Terno Barri ikki marta, “Manchester City”dan esa Jeremi Doku va Erling Holland gol urdi. Muxlislar olti golga guvoh bo'lishdi, ammo “Manchester City” to'p nazoratida va zarbalarda ustunlikka ega bo'ldi. Bu natijadan so'ng, “Manchester City” 71 ochko bilan 2-o'rinda, “Everton” esa 48 ochko bilan 10-o'rinda qolmoqda.
“Everton” oʻz maydonida “Manchester Siti”ga qarshi oʻtkazgan Angliya Premer-ligasi uchrashuvida muxlislar olti golga guvoh boʻlishdi. Bellashuv yakunlandi va jamoalar 3:3 hisobida durang qayd etdi. “Everton” safida Terno Barri 8 va 81-daqiqalarda dubl muallifiga aylandi, Jek O’Brayen esa 73-daqiqada gol kiritdi. “Manchester Siti” tarkibida Jeremi Doku 49 va 90+7-daqiqalarda ikki bor raqib darvozasini ishgʻol qildi, Erling Xoland 83-daqiqada jamoasini yana oʻyinga qaytardi.
Statistikaga koʻra, “Manchester Siti” toʻp nazoratida katta ustunlikka ega boʻldi — 75 foiz. “Everton” esa 25 foiz toʻpga egalik qildi. Darvoza tomon yoʻllangan zarbalar boʻyicha ham mehmonlar oldinda: “Manchester Siti” 16 ta, “Everton” 11 ta zarba berdi. Biroq aniq zarbalarda mezbonlar samaraliroq harakat qildi — “Everton” 6 bor darvozaga aniq tepdi, “Manchester Siti”da bu koʻrsatkich 4 tani tashkil etdi.
Paslar sonida ham Pep Gvardiola shogirdlari ustunlik qildi: “Manchester Siti” 595 ta pas amalga oshirib, 93 foizlik aniqlik qayd etdi. “Everton” esa 202 ta pas va 72 foizlik aniqlik bilan oʻynadi. Follar sonida mezbonlar 15 ta, mehmonlar 5 ta qoidabuzarlik qildi. Burchak toʻplari boʻyicha “Manchester Siti” 9:5 hisobida ustun boʻldi. Sariq kartochkalar “Everton”da 4 ta, “Manchester Siti”da 1 ta boʻldi, qizil kartochkalar qayd etilmadi.
Bu natijadan keyin “Manchester Siti” turnir jadvalida 34 oʻyindan soʻng 71 ochko bilan 2-oʻrinda qoldi. “Everton” esa 35 oʻyindan keyin 48 ochko jamgʻarib, 10-pogʻonada boryapti.
Izohlar 0
…