"Chelsi" bosh murabbiyi Kalum Makfarleyn "Nottingem Forest" jamoasidan uchralgan 3:1 hisobidagi mag'lubiyatdan so'ng o'z shogirdlarini keskin tanqid qildi. Bu haqda Goal.com xabar beradi.
Uchrashuvning dastlabki daqiqalaridanoq mehmonlar ustunlikni qo'lga oldi. Tayvo Avoniyi 98-soniyadayoq hisobni ochgan bo'lsa, 15-daqiqada Igor Jezus penaltini aniq amalga oshirdi.
Makfarleyn o'yindan keyingi matbuot anjumanida jamoasining e'tiborsizligini ta'kidladi. Uning so'zlariga ko'ra, dastlabki 15 daqiqadagi harakatlarni umuman oqlab bo'lmaydi va bunday xatolar jamoani og'ir ahvolga solib qo'ygan.
Birinchi bo'limda "Chelsi" hisobni qisqartirish uchun qulay imkoniyatga ega bo'ldi. Biroq Koul Palmer penaltidan unumli foydalana olmadi, uning zarbasini Mats Sels qaytardi.
Shuningdek, Enso Fernandesning zarbasi ustunga tegdi. Ikkinchi bo'limning 52-daqiqasida Avoniyi o'zining ikkinchi golini urib, hisobni yirik ko'rinishga keltirdi.
O'yin yakunida Juao Pedro chiroyli zarba bilan "Chelsi"ning yagona goliga mualliflik qildi. Ketma-ket oltinchi mag'lubiyatni qabul qilib olgan London klubi endi shanba kuni "Liverpul"ga qarshi maydonga tushadi.
“Zamin”ni Telegramʻda oʻqing!
