Karlo Anchelotti Joze Mourinoning "Real Madrid"ga shov-shuvli qaytishi mumkinligi haqidagi xabarlarga o‘z munosabatini bildirdi. Italiyalik mutaxassis Mourinoning Ispaniya poytaxti klubida yana bir bor ajoyib natijalarga erisha olishiga ishonchi komil. Bu haqda Goal.com xabar beradi.
The Athletic nashriga bergan intervyusida Anchelotti Mourinoning "Real Madrid"ga qaytishi uni xursand qilishini ta’kidladi. Uning so‘zlariga ko‘ra, portugaliyalik murabbiy o‘zi ishlagan barcha klublarda bo‘lgani kabi, Madridda ham fantastik ishni amalga oshira oladi.
Anchelotti "Real Madrid" futbolchilari o‘z bilganicha ish tutadi degan gaplarni keskin rad etdi. U bu mish-mishlarni "safsata" deb atab, o‘z murabbiylik faoliyati davomida jamoa bilan doimiy ravishda strategiya ustida ishlaganini va futbolchilar intizomli bo‘lganini eslatib o‘tdi.
Italiyalik murabbiyning fikricha, Mourino muvaffaqiyatga erishishi uchun taktikadan ko‘ra ko‘proq insoniy munosabatlarga e’tibor qaratishi kerak. Anchelotti o‘z muvaffaqiyatining siri futbolchilarni shunchaki sportchi sifatida emas, balki inson sifatida tushunishga intilganida ekanligini qo‘shimcha qildi.
“Zamin”ni Telegramʻda oʻqing!
