"Manchester Siti"ning markaziy hujumchisi Erling Haaland so'nggi o'yinlardagi gol ko'rsatkichlari haqida fikr bildirdi. Bu haqda euro-football.ru xabar beradi.
2026 yil boshidan buyon norvegiyalik forvard barcha musobaqalarda 12 uchrashuvda maydonga tushib, atigi uch bor raqib darvozasini ishg'ol qildi.
"Yana-da jam bo'lishim, hamma jihatdan yaxshiroq harakat qilishim kerak. Shu ustida ishlashim zarur. Nega natijalarim yaxshi bo'lmaganini muhokama qilishni istamayman. O'ylashimcha, bunga oqlov yo'q", — deya Haalandning so'zlarini keltiradi ESPN.
Joriy mavsumda 25 yoshli hujumchi barcha turnirlarda 36 ta o'yinda qatnashib, 28 ta gol va 6 ta golli uzatmaga mualliflik qilgan. Haalandning "Manchester Siti" bilan shartnomasi 2034 yilgacha amal qiladi.
“Zamin”ni Telegramʻda oʻqing!
