Italiya terma jamoasi va "Yuventus"ning sobiq darvozaboni Janluiji Buffon hozirgi paytdagi eng istiqbolli italiyalik futbolchi kimligini aytdi. Uning fikricha, bu — "Inter" safida to'p surayotgan Pio Espozito. Bu haqda euro-football.ru xabar beradi.
Buffon yosh hujumchining yaqin vaqt ichida, xususan, jahon chempionatidayoq o'zini yorqin ko'rsatishiga umid qilmoqda.
"Men Espozitoni shaxsan kuzatdim va u menda juda katta taassurot qoldirdi. U kamtar va professional, motivatsiyaga boy, doimo ishtiyoq bilan harakat qiladi. Men uni Italiya terma jamoasining jahon chempionati tarkibiga hech ikkilanmasdan olgan bo'lardim", — deya Buffonning so'zlarini calcionapoli1926.it keltiradi.
Eslatib o'tamiz, "Inter" hozirda A Seriya turnir jadvalida peshqadam bo'lib turibdi.
“Zamin”ni Telegramʻda oʻqing!
