Real Madrid yarim himoyachisi Federico Valverde Manchester Siti va PSJ klublarining nishoniga aylandi. Urugvaylik futbolchining jamoadoshi Aurelien Tchouameni bilan mashg'ulotlardagi janjali uning kelajagi borasida turli mish-mishlarni keltirib chiqardi. Garchi Valverde Madridda qolishni istasa-da, yevropalik gigantlar vaziyatdan foydalanib qolishga urinmoqda. Bu haqda Goal.com xabar beradi.
PSJ uzoq vaqtdan beri Federico Valverdega qiziqish bildirib keladi va futbolchining transferi uchun 100-120 million yevro atrofida mablag' sarflashga tayyor. Parijliklar uni o'z yarim himoya chizig'i uchun ideal nomzod deb hisoblamoqda. Manchester Siti ham Pep Guardiola talabiga binoan ushbu transfer poygasiga qo'shilgan.
Real Madrid rahbariyati yuz bergan voqea yuzasidan har ikki futbolchini 500 ming yevro miqdorida jarimaga tortdi. Murabbiy Alvaro Arbeloa kiyim almashtirish xonasidagi gaplarning matbuotga sizib chiqishini klub qadriyatlariga xiyonat deb atadi va vaziyatni yumshatishga harakat qildi. Hozircha futbolchi jarohati sababli 10-14 kunlik dam olish rejimida.
“Zamin”ni Telegramʻda oʻqing!
