«Al-Nasr» bosh murabbiyi Jorje Jezush Krishtianu Ronaldu nima sababdan yaqinlashib kelayotgan uchrashuvni o'tkazib yuborishini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida «Arkadag»ga qarshi maydonga tushadi. Portugaliyalik yulduz hujumchi tez orada yana jamoaga qaytishi kutilayotgan bo'lsa-da, bu safar ham tarkibda bo'lmaydi.
Jezushning aytishicha, murabbiylar shtabi tig'iz taqvim fonida Ronalduni va asosiy tarkibning yana bir nechta futbolchilarini asrashga qaror qilgan. Sababi esa oldinda Saudiya chempionatida «Al-Fateh»ga qarshi muhim bahs turibdi.
«Ronalduga dam berish — yangilik emas. Bu Saudiya Arabistonidan tashqarida o'tadigan uchrashuvlarda uning maydonga tushmay qolishi bilan bog'liq ilk holat emas», — deya Jezushning so'zlarini keltiradi Al Nassr Zone.
Saudiya chempionatining «Al-Fateh» — «Al-Nasr» o'yini shanba kuni, 14-fevralda bo'lib o'tadi.
“Zamin”ni Telegramʻda oʻqing!
