Myunxenning «Bavariya» klubi qanot hujumchisi Maykl Olise Germaniya chempionatining navbatdagi turida «Verder»ga qarshi uchrashuvda maydonga tusha olmaydi. Bu haqda euro-football.ru xabar beradi.
O‘tgan turda 24 yoshli fransuz futbolchi mavsumdagi beshinchi sariq kartochkasini olib, diskvalifikatsiya qilindi. Shu sabab u yaqinlashib kelayotgan bahsda jamoasiga yordam bera olmaydi. Bu Olise «Kristal Pelas»dan 2024 yil yozida «Bavariya»ga o‘tganidan beri Bundesligada ilk bor uchrashuvni o‘tkazib yuborishi bo‘ladi.
Olise bungacha jamoaning ketma-ket 55 ta o‘yinida qatnashib, 22 ta gol urdi va 36 ta golli uzatmani amalga oshirdi. «Bavariya»ning hozirgi tarkibidagi hech bir futbolchi bunday ko‘rsatkich bilan maqtana olmaydi.
Bundesliganing 22-turi doirasidagi «Verder» – «Bavariya» uchrashuvi 14 fevral kuni bo‘lib o‘tadi. O‘yin 19:30 da (Toshkent vaqti bilan) boshlanadi.
“Zamin”ni Telegramʻda oʻqing!
