La Liganing 24-turida “Xetafe” o‘z maydonida “Vilyarreal”ni 2:1 hisobida mag‘lub etdi. Uchrashuvda darvozaga yo‘llangan zarbalar ko‘p bo‘lmadi, biroq darvoza to‘riga aniq borgan urinishlarning barchasi gol bilan yakunlandi. Bu haqda euro-football.ru xabar beradi.
O‘yinning avvalida Luis Milya jarima maydonidan hisobni ochishga yaqin keldi, ammo zarbasi biroz noaniq chiqdi. 41-daqiqada esa Mauro Arambarri penaltidan sovuqqonlik bilan gol urib, darvozabon va to‘pni turli burchakka yo‘naltirdi — 1:0.
Ikkinchi bo‘lim boshida Arambarri pas uzatdi, Martin Satriano esa 53-daqiqada boshi bilan ustunlikni ikki barobarga oshirdi. “Vilyarreal” yakuniy daqiqalarda bosimni kuchaytirdi: Nikolya Pepe va Pape Guyening urinishlari himoyachilarga tegdi, Jorj Mikautadze esa avval to‘pni ustunga tekkizdi, 76-daqiqada esa baribir gol urib, hisobni qisqartirdi — 2:1.
G‘alabadan so‘ng “Xetafe” turnir jadvalida 10-o‘ringa ko‘tarildi. “Vilyarreal” esa yuqori pog‘onalar uchun kurashda uchinchi o‘rinni raqiblari bilan bo‘lishib turibdi.
“Zamin”ni Telegramʻda oʻqing!
