RFU faxriy prezidenti Vyacheslav Kolosskov Rossiya milliy jamoasining mart oyidagi ehtimoliy raqiblari borasida fikr bildirdi. Bu haqda euro-football.ru xabar beradi.
Uning aytishicha, tanlanayotgan jamoalar o'rtamiyona bo'lib, jahon futboli iyerarxiyasining eng quyi pog'onasidan emas. Kolosskov bunday sparringlar aynan Rossiya termasi uchun kerakligini, darajalar taxminan teng ekanini ta'kidladi.
Shuningdek, u bu o'yinlar terma jamoaga nomzod futbolchilarning ayni paytdagi holatini yana bir bor tekshirib ko'rish uchun qo'shimcha imkoniyat berishini qayd etdi.
Eslatib o'tamiz, Rossiya termasi o'tgan yil 10 ta o'rtoqlik uchrashuvi o'tkazib, faqat bir marta mag'lub bo'lgan — noyabr o'rtalarida Sochida Chili termasiga 0:2 hisobida yutqazgan.
Rossiya milliy jamoasi 2022 yil fevralidan beri rasmiy o'yinlarda maydonga tushmayapti.
Guatemala va Mali terma jamoalari esa 2026 yil Shimoliy Amerikada o'tadigan jahon chempionatiga saralashdan o'ta olmagan.
“Zamin”ni Telegramʻda oʻqing!
