"Al-Nasr" bosh murabbiyi Jorje Jezush Krishtianu Ronaldu nega yaqinlashib kelayotgan o‘yinda maydonga tushmasligini izohladi. Bu haqda euro-football.ru xabar beradi.
Ar-Riyod jamoasi chorshanba kuni OFK Chempionlar ligasi doirasida "Arkadag"ga qarshi bahs olib boradi. Portugaliyalik yulduz hujumchi boykotdan so‘ng tez orada safga qaytishi kutilayotgandi, biroq bu galgi o‘yinda ham u ro‘yxatda bo‘lmaydi.
Jezushning ta’kidlashicha, zich taqvim sabab Ronaldu va asosiy tarkibdagi yana bir qator futbolchilarga dam berish haqida qaror qabul qilingan. Murabbiy oldinda "Al-Fateh"ga qarshi muhim uchrashuv borligini alohida urg‘uladi.
"Al Nassr Zone" keltirgan iqtibosda aytilishicha, Ronalduga dam berilishi yangilik emas: bu uning Saudiya Arabistonidan tashqarida o‘tkaziladigan o‘yinlarni o‘tkazib yuborayotgan birinchi holati emas.
Saudiya chempionati doirasidagi "Al-Fateh" — "Al-Nasr" uchrashuvi shanba, 14-fevral kuni bo‘lib o‘tadi.
“Zamin”ni Telegramʻda oʻqing!
