Madridning “Real” jamoasi bosh murabbiyi Alvaro Arbeloa yarim himoyachi Arda G'yulerning o'yini va jamoaga qo'shayotgan hissasi haqida fikr bildirdi. Bu haqda euro-football.ru xabar beradi.
Seshanba kuni 20 yoshli turkiyalik futbolchi Chempionlar ligasida “Benfika”ga qarshi bahsda “qirollik klubi”ga 1:0 hisobidagi g'alabani qo'lga kiritishda yordam berdi. G'yuler uchrashuvda 86 daqiqa maydonda harakat qildi.
Arbeloa ta’kidlashicha, Ardaning fazilatlari jamoaga katta foyda keltirmoqda: u yarim himoya bilan hujum chizig'ini bog'lab beradi. Murabbiy G'yulerni o'ziga xos, boshqalarga o'xshamaydigan futbolchi deb atab, uning o'ziga ishonchini yanada mustahkamlash ustida ishlash zarurligini qayd etdi. “Bunday o'yinlar unga o'sish uchun turtki bo'ladi. Men G'yulerdan faxrlanaman”, — deya Arbeloa so'zlarini Madrid Universal keltirdi.
Joriy mavsumda Arda G'yuler “Real” safida barcha musobaqalarda 37 ta o'yinda maydonga tushib, 3 ta gol urdi va 12 ta golli uzatma amalga oshirdi.
“Zamin”ni Telegramʻda oʻqing!
