"Lion" bosh murabbiyi Paulu Fonseka jamoaning joriy mavsumdagi o'yini va natijalari haqida fikr bildirdi. Klub barcha musobaqalarda ketma-ket 13 ta g'alabadan iborat seriya qayd etib, bir vaqtning o'zida uch turnirda ham barqaror futbol namoyish etmoqda. Bu haqda euro-football.ru xabar beradi.
Fonseka Olympique-et-Lyonnais YouTube kanaliga bergan intervyusida jamoa sovrinlar uchun kurashishga tayyor ekanini ta'kidladi. Mutaxassisga ko'ra, Liga 1 dagi to'rtinchi mavsumi aynan hozir eng raqobatbardosh bo'lib turibdi, biroq u futbolchilarning ambitsiyasi, murabbiylar shtabining yondashuvi va jamoaning doimiy o'sishga intilishiga ishonadi.
Murabbiy "Lion" bu mavsumda ko'pchilik uchun kutilmagan jamoaga aylanishi mumkinligini ham aytdi. U mavsum startida klub qanday qiyinchiliklarni boshdan kechirganini eslatib, hozir jamoa imkon qadar eng yaxshi sport formasida ekanini qayd etdi va eng muhimi yakun qanday bo'lishini alohida urg'uladi.
Hozirda "Lion" Fransiya chempionatida uchinchi o'rinda bormoqda. Shuningdek, jamoa Yevropa Ligasi umumiy bosqichini birinchi o'rinda yakunlab, pley-offda kurashni davom ettiradi.
“Zamin”ni Telegramʻda oʻqing!
