Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani bilan bog'liq ish doirasida prokuraturaga so'roqqa chaqirildi. Bu haqda euro-football.ru xabar beradi.
Ushbu ishda AFA g'aznachisi Pablo Tovigino ham figurant sifatida tilga olinmoqda. Huquq-tartibot idoralari har ikki mansabdorga mamlakatni tark etishni taqiqlab qo'ydi.
So'roq 5 mart kuni bo'lib o'tadi. Tergov ma'lumotiga ko'ra, AFA ijtimoiy to'lovlar bo'yicha davlat g'aznasiga 13 million dollarni yetkazib bermagan.
Shuningdek, Tapia nomidagi 10 gektarlik, vertolyot maydonchasiga ega mulk ham tekshiruvchilar e'tiboriga tushdi.
Prokuratura alohida tartibda futbolchilarga berilgan bonuslar miqdorini ham o'rganmoqda: bu ko'rsatkich Tapianing dunyo bo'ylab parvoz xarajatlaridan kam ekani qayd etilmoqda.
“Zamin”ni Telegramʻda oʻqing!
