Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani bo'yicha ochilgan ish doirasida prokuraturaga so'roqqa chaqirildi. Bu haqda euro-football.ru xabar beradi.
Ushbu ishda AFA g'aznachisi Pablo Tovigino ham gumondor sifatida tilga olinmoqda. Huquq-tartibot organlari har ikki shaxsning mamlakatni tark etishini vaqtincha taqiqladi.
So'roq 5 mart kuni o'tkazilishi belgilangan. Tergov AFA tomonidan ijtimoiy badallar sifatida davlat g'aznasiga 13 million dollar yetib kelmagani haqidagi ma'lumotlardan so'ng boshlangan.
Shuningdek, Tapia mulkida bo'lgan va vertolyot maydonchasi mavjud 10 gektarlik qo'rg'on ham tekshiruv doirasida shubha ostiga olingan.
Prokuratura alohida tarzda futbolchilarga to'lanadigan bonuslar miqdoriga ham qiziqmoqda: ular Tapianing dunyo bo'ylab parvoz xarajatlaridan ham kam ekani qayd etilmoqda.
“Zamin”ni Telegramʻda oʻqing!
