Argentina Futbol Assotsiatsiyasi (AFA) prezidenti Klaudio Tapia ijtimoiy badallar to'lanmagani bo'yicha tergov doirasida prokuraturaga so'roqqa chaqirildi. Bu haqda euro-football.ru xabar beradi.
U bilan birga ishda tashkilot g'aznachisi Pablo Tovigino ham gumondor sifatida tilga olinmoqda. Huquq-tartibot idoralari har ikki shaxsga mamlakatdan chiqib ketishni taqiqlagan.
So'roq 5 mart kuni bo'lib o'tadi. Tergov AFA tomonidan ijtimoiy badallar sifatida davlat g'aznasiga 13 million dollar yetib kelmagani haqidagi ma'lumotlardan keyin boshlangan.
Shuningdek, Tapia mulkida qayd etilgan, vertolyot qo'nish maydonchasiga ega 10 gektarlik qo'rg'on ham tekshiruv e'tiborida.
Prokuratura futbolchilarga berilgan bonuslar miqdorini ham alohida o'rganmoqda: u Tapianing dunyo bo'ylab parvoz xarajatlaridan kam ekani savollarni ko'paytirgan.
“Zamin”ni Telegramʻda oʻqing!
