Qanot hujumchisi Denis Makarovning manfaatlarini himoya qiluvchi agent Aleksey Babir mijozining hozirgi holati yuzasidan izoh berdi. Bu haqda euro-football.ru xabar beradi.
Eslatib o‘tamiz, Moskvaning “Dinamo” klubidan Turkiyaning “Kayserispor” jamoasiga o‘tgan forvard yaqinda yengil jarohat olgandi.
Agentning so‘zlariga ko‘ra, Makarov tiklanib bo‘lgan va hafta davomida umumiy guruh bilan to‘liq mashg‘ulotlarda qatnashmoqda. U jamoaga tez moslashgan, hammasi yoqmoqda, faqat o‘sha kichik jarohat ritmni buzgan — aks holda u allaqachon ilk daqiqalardan maydonga tushgan bo‘lardi. Bu fikrlarni “RB Sport” keltiradi.
Makarov Turkiya chempionatida hozircha bitta uchrashuvda maydonga tushib, 30 daqiqa o‘ynashga ulgurdi.
Yakshanba kuni “Kayserispor” Turkiya chempionatining 23-turi doirasida “Antalyaspor”ga qarshi bahs olib boradi.
“Zamin”ni Telegramʻda oʻqing!
