Denis Makarovning manfaatlarini himoya qiluvchi agent Aleksey Babir futbolchining hozirgi holati haqida ma’lumot berdi. Bu haqda euro-football.ru xabar beradi.
Eslatib o‘tamiz, Moskvaning «Dinamo» klubidan Turkiyaning «Kayserispor» jamoasiga o‘tgan hujumchi yaqinda yengil jarohat olgandi.
Agentning aytishicha, Makarov tiklanib bo‘lgan va butun hafta davomida umumiy guruh bilan to‘liq shug‘ullangan. U jamoada o‘zini erkin his qilmoqda, hammasi yoqmoqda, faqat o‘sha kichik jarohat uni biroz ortga tortgan — aks holda u allaqachon uchrashuvlarni ilk daqiqalardan boshlagan bo‘lardi.
Turkiya chempionatida Makarov hozircha bir o‘yinda maydonga tushib, 30 daqiqa harakat qildi.
Yakshanba kuni «Kayserispor» Turkiya chempionatining 23-turi doirasida «Antalyaspor»ga qarshi bahs o‘tkazadi.
“Zamin”ni Telegramʻda oʻqing!
