Ispaniyaning «Real Sosedad» klubi rossiyalik yarim himoyachi Arsen Zaharyan bilan bog'liq rejalariga aniqlik kiritdi. Bu haqda euro-football.ru xabar beradi.
La Liganing 25-turida «Real Sosedad» «Real Ovedo»ni yenga olmadi — 3:3. Zaharyan 77-daqiqada zaxiradan maydonga tushdi va bir nechta qulay imkoniyatdan foydalana olmadi. Bu uchrashuv 22 yoshli futbolchi uchun jarohatdan keyingi ilk o'yin bo'ldi. O'yindan so'ng San-Sebastyan muxlislari uning boy berilgan vaziyatlarini keskin tanqid qildi.
Klub matbuot xizmati vakili Yon Ander Munduate Sport24'ga bergan izohida jamoa Zaharyanni yozda sotish variantini ko'rib chiqmayotganini aytdi: bosh murabbiy futbolchi haqida ijobiy fikrda, klub esa uning «Real Sosedad» bilan birga yanada o'sishini kutmoqda.
Zaharyanning klub bilan amaldagi shartnomasi 2029 yilgacha mo'ljallangan.
“Zamin”ni Telegramʻda oʻqing!
