Xitoy hukumati mamlakatning texnologik startaplariga AQSh tomonidan kiritiladigan investitsiyalarni cheklash choralarini ko'rmoqda. Bloomberg agentligi xabariga ko'ra, Xitoy regulyatorlari mahalliy kompaniyalarga Amerika kapitalini rasmiy ruxsatsiz qabul qilishni taqiqlashni rejalashtirmoqda. Ushbu tashabbus Pekinning milliy xavfsizlikni ta'minlash va muhim texnologiyalar chiqib ketishining oldini olishga qaratilgan strategiyasining bir qismidir. Bu haqda 3dnews.ru xabar beradi.
Yangi cheklovlar o'tgan yili Amerikaning "Meta" korporatsiyasi Xitoyning sun'iy intellekt sohasidagi "Manus" startapini 2 mlrd dollarga sotib olgani bilan bog'liq hodisaga javob bo'ldi. Hozirda Xitoy idoralari ushbu kelishuv yuzasidan tekshiruv boshlagan. Shuningdek, "Moonshot AI" va "StepFun" kabi istiqbolli loyihalar ham AQSh investorlaridan mablag' olmaslik bo'yicha ogohlantirish olgan.
Cheklovlar nafaqat kichik startaplarga, balki yirik gigantlarga ham taalluqlidir. Xususan, "TikTok" egasi bo'lgan "ByteDance" kompaniyasiga AQSh investorlari o'rtasida aksiyalarni qayta joylashtirishni hukumat roziligisiz amalga oshirmaslik uqtirilgan. Mutaxassislarning fikricha, bunday choralar Xitoy texnologiya sektoriga xorijiy kapital jalb qilish jarayonini sezilarli darajada murakkablashtirishi mumkin.
“Zamin”ni Telegramʻda oʻqing!
