Germaniya Bundesligasining 23-turida «Frayburg» o'z maydonida «Borussiya» Myonxengladbaxni qabul qildi. Uchrashuvda mehmonlar to'p nazoratida ustunroq ko'rindi, biroq zarbalar aniqligi borasida «Frayburg» samaraliroq harakat qildi. Bu haqda euro-football.ru xabar beradi.
Hisob 38-daqiqada ochildi: autdan keyingi vaziyatda «Borussiya» himoyachilari to'pni uzoqlashtira olmadi va Mattias Ginter uchib kelgan to'pni oyoqda bir teginishda darvozaga joylab qo'ydi — 1:0. 74-daqiqada esa Igor Matanovich raqib jarima maydoni ichida to'pni ilib ketib, aniq zarba bilan farqni ikkitaga oshirdi — 2:0.
83-daqiqada Haris Tabakovich «Frayburg» darvozasini ishg'ol qilib, intriga qaytgandek bo'ldi, ammo hakamlar ofsaydni qayd etdi. Oradan ikki daqiqa o'tib, Tabakovich burchak zarbasidan uzatmaga boshi bilan zarba berib, baribir gol urdi — 2:1. Shunga qaramay, qolgan daqiqalarda mehmonlarga hisobni tenglashtirish nasib etmadi va «Frayburg» g'alabani saqlab qoldi.
Ushbu natijadan so'ng «Frayburg» turnir jadvalida 7-o'rinda bormoqda, «Borussiya» Myonxengladbax esa 14-pog'onada qolmoqda.
“Zamin”ni Telegramʻda oʻqing!
